Á síðasta ári fluttum við inn rafmagnsklippur frá Beiyuan sem byggja á algerlega nýrri hönnun. Um er að ræða rafmagnsklippur sem hannaðar eru útfrá hefbundnu rúningshandfangi og fara því betur í hendi heldur en hefðbundnar rafmagnsklippur. Þær eru síðan með mótor á endanum sem tengdur er í með rafmagnskapli í lítið spennubox. Klippurnar voru prófaðar af fjölda bænda í Þingeyjasýslum með mjög góðum árangri. Klippurnar henta mjög vel fyrir sauðfé en einnig er hægt að nota þær til klippingar á hrossum og kúm. Allar nánari upplýsingar í vefverslun okkar.

Vorum að fá í hús nýjar hesta- og kúaklippur. Um er að ræða vandaðar 120W klippur sem eru hljóðlátar og fara vel í hendi. Sjá nánar í vefverslun.

Nú höfum við opnað facebook vefsíðu þar sem mögulegt verður að fá upplýsingar um nýjar vörur, verðtilboð o.fl. Þið finnið okkur með því að leita að Íslenskar búrekstrarvörur á www.facebook.com

Sprettur hefur birt verðskrá sína fyrir árið 2009 og er hana að undir liðnum Sprettur áburður vinstra megin á síðunni. Sprettur er fluttur inn og markaðssettur af Skeljungi. Sprettur hefur verið í mikilli sókn á íslenskum markaði undanfarin ár. Sprettur hefur lagt áherslu á mikið vöruúrval og hámarksgæði samhliða hagstæðum verðum og er árið í ár engin undantekning. Sprettur býður allar tegundir sem boðið var uppá á síðasta ári auk þess sem við bætum einni nýrri tegund við. Nýja tegundin nefnist Sprettur 26-7-7 og er einkorna áburður. Sprettur áburður hefur ekki skorið niður nauðsynleg snefilefni í áburðinum og allur áburður inniheldur Calsíum, Magnesíum og Brennistein í hæfilegu magni.

Plastrimlarnir undir sauðfé hafa notið mikilla vinsælda sem sauðfjárgólf. Þeir eru eitt ódýrasta gólfgerðarefnið á íslenskum markaði. Plastrimlarnir hreinsa sig mjög vel og það þarf nær aldrei að þrífa gólfið. Plastrimlarnir eru íslensk framleiðsla og eru úr endurunnu plasti. Nú hafa Íslenskar búrekstrarvörur (Ísbú) og Plastmótun, sem framleiðir prófílinn, gert samning sem felur í sér að Ísbú mun sjá um alla sölu og markaðssetningu á þessu gólfgerðarefni. Samningurinn felur einnig í sér áframhaldandi þróun á plastgólfum fyrir sauðfé og munu bændur verða varir við ýmsar nýjungar hvað það snertir á næsta ári. Allur prófíll liggur á lager í Dalasýslu en fæst einnig afgreiddur frítt á vöruflutningamiðstöð í Reykjavík. Prófíllinn er fáanlegur í metratali þannig að menn sjá sjálfir um að saga niður timbur, plast og kubba auk þess sem nú verður boðið uppá þann möguleika að fá plastgólfin tilbúin til grindunar, þ.e. prófíll klæddur á timbur og kubbar innifaldir.

Hafið samband fyrir frekari upplýsingar.

Íslenskar búrekstrarvörur hafa fengið umboð fyrir nýsjálenska fyrirtækið Instrument Supplies sem er leiðandi á heimsvísu í framleiðslu á bólusetningar-, ormalyfssprautum o.fl. Vörur frá þessu fyrirtæki eru seldar um allan heim og framleiða þeir m.a. fyrir Ritchey og fleiri fyrirtæki. Hægt er að skoða vörulínu Instrument Supplies á vefsíðunni www.instrumentsupplies.co.nz

Samstarf við Instrument Supplies gerir okkur kleift að bjóða fyrsta flokks vörur í þessum vöruflokki á samkeppnisfærum verðum.

ÍsBú verður á landbúnaðarsýningunni á Hellu sem haldin verður 22.-24. ágúst nk. Á sýningunni er ætlunin að kynna lausnir í örmerkjalestri, rúningsvörur ýmiskonar, brynningartæki o.fl. sem ÍsBú flytur inn. Hægt er að skoða frekari upplýsingar um sýninguna á vefslóðinni www.landbunadarsyning.is.

Við munum einnig frumsýna nýja fjárvog sem nefnist V3 og er afrakstur samstarfs við nýsjálenska fyrirtækið Racewell Limited (www.racewell.co.nz) sem staðið hefur um nokkrra ára skeið. Þessi nýja vog er með innbyggðum flokkara og hægt er að flokka handvirkt í þrjár áttir. Hún er handhæg, auðveld í flutningi og hægt er að velja um nokkrar gerðir af tölvuheilum, mögulegt verður að uppfæra hana til aukinnar sjálfvirkni í framtíðinni.

ÍsBú.is hefur gert samning við fyrirtækið SMB Bauman sem framleiðir brynningarútbúnað fyrir búfénað. SMB Bauman er einkarekið fyrirtæki sem í ár verður 40 ára. Fyrirtækið er með mjög stóra markaðshlutdeild í Norður Ameríku auk þess sem vörur þeirra eru fluttar til nokkurra Evrópulanda.

Fyrsta stóra sendingin kom í hús nú á vordögum. Margir bændur hafa sýnt þessu áhuga og þegar hefur verið sent út töluvert magn af vörum. Með þessari sendingu fengum við sýningareintök af flestum skálum, lagnaefni o.fl. og næsta vetur munum við geta boðið bændum uppá allt sem tengist brynningu búfjár, þ.e. brynningartæki, verahluti í ýmsar gerðir brynningartækja, lagnaefni o.fl.

Eftir miklar prófanir á ýmsum rúningsvörum höfum við ákveðið að taka inn nokkrar nýjar rúningsvörur. Bjóðum kamba og hnífa fyrir allan búfénað, tvær gerðir af barkaklippum, brýnsluvélar fyrir kamba og hnífa, tvær gerðir af rafmagnsklippum auk varahluta fyrir rúningsklippur. Erum enn að prófa nýjar vörur er varða rúning og þar má t.d. nefna rúningsrólur, rúningsklæðnað, rúningsskó, varahlutamál o.fl. Ætlunin er að bæta þessum þáttum inn fyrir haustið 2008.

Haustið 2007 vorum við með í prófun barakaklippur frá Beiyuan. Þessar klippur reyndust vel nema hvað barkinn á þeim var ekki nægilega skemmtilegur (sambærilegur og rauður Lister barki). Lögðum í kostnað við að láta sérframleiða á klippurnar mjög vandaðan svartan barka (sambærilegur og Heiniger barkarnar) og óhætt er að segja að þessi breyting hafi komið mjög vel út. Við bjóðum þessar klippur með innri og ytri barka (m. pinnadrifi), rúningshandfangi, 2 settum af kömbum og hnífum, vandaðri stáltösku sem klippurnar eru geymdar í. Verðið á þessum pakka er aðeins 75.000 án.vsk (með frírri heimsendingu).

Sl. haust vorum við að prófa/skoða ýmsar gerðir af rafmagnsklippum. Nú bjóðum við tvær gerðir af klippum. Annarsvegar Liscop klippur með 430W mótor en þetta eru öflugustu klippurnar sem fást á markaðnum í dag og frá mjög virtum framleiðanda. (Verð 37.350 án.vsk).

Hin gerðin sem við bjóðum uppá ber heitið ÍsBú 320W og er sérstaklega framleidd fyrir ÍsBú.is. Þessar klippur eru með öflugum 320W mótor (sama stærð og Heiniger). Þessar klippur bjóðum við á ótrúlegu verði eða aðeins 22.900 án.vsk.

Líkt og í haust þá bjóðum við allar rúningsvörur með frírri heimsendingu hvert á land sem eru. Meðan á rúningsvertíð stendur sendum við allar pantanir samdægurs og því ættu vörur að hafa borist 1-3 virkum dögum eftir að pantað er. Hægt er að skoða nánari upplýsingar um allar rúningsvörur í vefverslun ÍsBú.is eða leita upplýsinga hjá sölumönnum okkar (Ásmundur, s. 896-1231 eða Helgi Haukur, s. 865-1717